Ózbekstan Jurnalistler awqamı tárepinen Ózbekstan Jazıwshılar awqamı hám bir qatar shólkemler menen birgelikte Qurallı Kúshlerimiz dúzilgeniniń otız úsh jıllıǵı hám Watan qorǵawshıları kúni múnásibeti menen «Watan-áziz, mártlik-máńgi!» respublikalıq tańlawı ótkeriliwi járiyalanadı.

Tańlawǵa «Jańa Ózbekstan armiyası – mámleket tayanıshı, xalqımızdıń maqtanıshı!» degen bas ideyanı ózinde jámlegen jurnalistlik materiallar, jazıwshı hám shayırlardıń shıǵarmaları qabıl etiledi.
«Watan – áziz, mártlik – máńgi!» tańlawı tómendegi nominaciyalar boyınsha ótkeriledi:
1. ǴXQ wákilleriniń jurnalistlik materialları boyınsha; (bul baǵdarda baspa ǴXQ, internet basılımları hám telekanallar jurnalistleri qatnasıwı múmkin)
2. Jazıwshı hám shayırlardıń kórkem shıǵarmaları boyınsha;
Esletpe: hújjetler elektron tártipte qabıl etiledi.
Tańlawǵa usınılǵan dóretiwshilik jumıslarǵa tómendegi hújjetler qosımsha etiliwi kerek:
– avtor hám onıń professional jumısı haqqında qısqasha maǵlıwmat;
– avtordıń pasport nusqası;
– avtordıń mánzili hám baylanıs telefonları.
Tańlawǵa 2024-jıldıń 20-yanvarınan 2025-jıldıń 1-yanvarına shekemgi dáwirde járiyalanǵan materiallar – shıǵarmalar 2025-jıldıń 3-yanvarına shekem qabıl etiledi.
Tańlaw jeńimpazları Ózbekstan Respublikası Qurallı Kúshleri dúzilgeniniń otız úsh jıllıǵı hám Watan qorǵawshıları kúni bayramı aldında sıylıqlanadı hám olardıń dizimi baspasózde járiyalanadı.
Dóretiwshilik jumıslar «Watan – áziz, mártlik – máńgi!» tańlawına dep kórsetilgen halda tómendegi elektron mánzillerge jiberiliwi kerek:
Ózbekstan Jurnalistler awqamı, 100011. Tashkent qalası, Nawayı kóshesi, 30-jay. Tel.: 71 244-64-62 (+998994661025 nomerdegi telegramm mánzil)
Ózbekstan Jazıwshılar awqamı, 100066. Tashkent qalası, Bunyodkor kóshesi, Jazıwshılar parki.tel. 71 231-83-49 (+998944108017 nomerdegi telegramm mánzil)

Shólkemlestiriw komiteti