Qaraózek rayonı orayındaǵı «Dem alıw baǵı»na bayramǵa say bezetilgen jańa jıl shırshası maydanshasında taza jılǵa arnalǵan saltanatlı keshe bolıp ótti.
Oǵan rayon basshıları, nuranıylar, balalar hám keń jámiyetshilik wákilleri qatnastı.
Ilajda rayon hákimi Anvar Baymuratov hám basqalar aymaq balaların jańa jıl bayramı menen qızǵın qutlıqlap, mámleketimiz Prezidentiniń balalarǵa degen itibarı hám ǵamqorlıqların ayrıqsha atap ótti hám jaslarımız turmısında júz berip atırǵan úlken jańalanıwlar, jetiskenliklerdi usınday qollap-quwatlawdıń jemisi ekenligin atap ótti.
Bunnan soń Prezidentimiz tárepinen sociallıq qorǵawǵa mútəj bolǵan shańaraqlardıń perzentleri ushın jiberilgen jańa jıl sawǵaları saltanatlı jaǵdayda tapsırıldı.
Bul sawǵalar olardı úlken quwanıshqa bólep, keshe rayonlıq mádeniyat bólimi xızmetkerleri tárepinen tayarlanǵan koncert baǵdarlaması menen kewilli dawam etti.
Adilbay Orazov,
Qaraqalpaqstan xabar agentligi sholıwshısı