Oliy Majlis Nızamshılıq palatasındaǵı Ózbekstan Ekologiyalıq partiyası frakciyasınıń májilisinde “Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında”ǵı nızam joybarı birinshi oqıwda kórip shıǵıldı.

Bul nızam joybarı húkimet aǵzaları hám jergilikli atqarıw hákimiyatı basshılarınıń korrupciyaǵa qarsı gúresiwdegi juwapkershiligin arttırıw, olar tárepinen bul baǵdarda ámelge asırılıp atırǵan jumıslardıń nátiyjeliligin kúsheytiw maqsetinde islep shıǵılǵan.
Atap ótilgenindey, bul nızam joybarına muwapıq, hákim lawazımına talaban tiyisli xalıq deputatları Keńesinde talabanları kórip shıǵılıp atırǵanda, aymaqtı sociallıq-ekonomikalıq rawajlandırıw baǵdarlaması menen bir qatarda, aymaqta korrupciyanıń aldın alıw boyınsha háreketler rejesin de usınıwı kerek boladı.
Sonday-aq, Ministrler Kabineti aǵzalıǵına talabanlardıń Nızamshılıq palatasında talabanlıǵı kórip shıǵılıp hám maqullanıp atırǵanda, óz jumıs baǵdarlaması menen birge sistemada korrupciyanıń aldın alıw boyınsha ilajlar rejesin de usınıwı belgilenbekte.
Dodalawlarda frakciya aǵzaları nızam joybarındaǵı normalardıń áhmiyetine toqtap ótip, korrupciyaǵa qarsı gúresiwde tek ǵana jaza ilajları emes, al juwapker basshılardıń baǵdarlamalıq qatnası da áhmiyetli ekenligin atap ótti. Talabanlardan usınday rejelerdi usınıw talabınıń belgileniwi sistemada ashıq-aydınlıq hám juwapkershilikti kúsheytetuǵının bildirdi. Sonday-aq, basshı lawazımlarǵa usınılıp atırǵan shaxslardıń mámleketlik xızmetti ashıq-aydınlıq hám esap beriw principleri tiykarında ámelge asırıwǵa bolǵan juwapkershiligin bunnan bılay da arttırıwǵa xızmet etetuǵını ayrıqsha atap ótildi.

ÓzA