9-iyul kúni Shomanay rayonı Birleshik awıl puqaralar  jıyını aymaǵınan  tariyxıy ótmishke tiyisli gúzeleri tabıldı.

– Bul shıǵır gúzeleri  shama menen XIX ácirge tiyisli bolıwı múmkin. Gúzelerdi kórip jaqsılap kózden ótkerip izertlew ótkergennen keyin anıq maǵlıwmat beremiz, deydi Qaraqalpaqstan Respublikası tariyxı hám mádeniyatı mámleketlik muzeyiniń ilimiy xızmetkeri Jamila Rzaeva.

– Bul gúzelerdi ózimizdiń fermer xojalıǵımızǵa tiyisli jerdiń shóp basıp qalǵan tárepin súrgiziw waqtında shama menen bir metr tereńlikten tawıp aldıq, deydi «Mırzabekov Marqabay» fermer xojalıǵınıń jumısshısı Aydos Mırzabekov.

Bunday tariyxıy tabılmalar ata-babalarımızdın jasaw tárizi, diyqanshılık mádeniyatı xaqqında jáne de tereńirek bilimge iye bolıwımızǵa imkaniyat jaratadı.

Qaraqalpaqstan xabar agentligi