Tashkent qalasında Ózbekstan Respublikası Qurallı kúshleri áskeriy xızmetkerleri arasında sporttıń gúres túri boyınsha «Prokuror kubogi» jarısınıń finallıq basqıshı bolıp ótti.

Bul jarısqa elimizdiń barlıq aymaqlarınan kúshli palwanlar qatnastı. Keskin ótken bellesiwler sońında, respublikamızdan  Milliy gvardiya xızmetkeri Shoberdi Rustamov +90 kg salmaqta hám +63 kg da Arqa Batıs áskeriy garnizonı xızmetkeri Gúlayım Jumabevalar qola medalın jeńip alıwǵa miyasar boldı.

Respublikamız palwanların bul jarısqa tájiriybeli trener Berik Júsipbekov tayarladı.

Adilbay Orazov,

Qaraqalpaqstan xabar agentligi sholıwshısı.