Nókis rayonı sport mektebinde sporttıń intellektuallıq túri   boyınsha Qaraqalpaqstan Respublikası Joqarǵı Keńesi Baslıǵınıń kubogi ushın rayon basqıshı joqarı dárejede shólkemlestirildi.

Jarıs Qaraqalpaqstan Respublikasında salamat turmıs tárizin qáliplestiriw, jaslardı intellektuallıq sport túrleri menen shuǵıllanıwǵa tartıw, sonday-aq, qábiletli sporshılardı anıqlaw hám xoshametlew maqsetinde shólkemlestirildi.

Ilajda Nókis rayonı hákimligi hám sport mákemeleriniń juwapkerleri, mektep oqıwshıları hám trenerler belsene qatnastı. Jarısta qatnasqan oqıwshılar ózleriniń bilim hám sheberliklerin kórsetip, qızǵın hám mawasasız bellesiwlerge bay boldı.

Jeńimpaz hám sıylı orın iyeleri diplom hám estelik sawǵaları menen sıylıqlandı. Sonday-aq, jarıs nátiyjeleri boyınsha joqarı nátiyje kórsetken qatnasıwshılar Qaraqalpaqstan Respublikası basqıshına jollama aldı.

Qaraqalpaqstan xabar agentligi