Taqıyatas rayonında 2025-jılǵı ǵálle zúrááti ushın miynet etken aldıńǵı fermerler hám klasterler múnásip sıylıqlandı.

Ótkerilgen ilajda Qaraqalpaqstan Respublikası Ministrler Keńesi Baslıǵınıń awıl hám suw xojalıǵı máseleleri boyınsha orınbasarı Sh.Teshaev, Taqıyatas rayonı hákimi K.Aytbaev hám basqalar shıǵıp sóylep, barlıq diyqan hám fermerlerdi jetiskenlikleri menen qızǵın qutlıqlap, jaqsı tileklerin bildirdi.

Maǵlıwmat ushın, Taqıyatas rayonı bıyıl birinshiler qatarında belgilengen 2635 tonna biyday tapsırıw rejesin artıǵı menen orınladı.

Álbette, bul ilaj ǵállekeshlerdiń pidarkerlik miynetin xoshametlew hám olardı jańa sheklerge ruwxlandırıwǵa qaratılǵanlıǵı menen áhmiyetli.

Ilajda pidáker ǵállekeshler ushın dasturxan jayılıp, olarǵa Húrmet jarlıqları hám bahalı sawǵalar tapsırıldı.

Á.Jiyemuratov,

Qaraqalpaqstan xabar agentligi.