Tájikstan Respublikası Prezidenti Emomali Rahmon «Oraylıq Aziya – Evropa Awqamı» birinshi sammitinde qatnasıw ushın Samarqandqa keldi.

Samarqand xalıqaralıq aeroportında ullı mártebeli miymandı Ózbekstan Respublikası Bas ministri Abdulla Aripov hám basqa da rásmiyler kútip aldı.
Keyingi jılları Ózbekstan hám Tájikstan arasındaǵı kóp táreplemeli birge islesiw joqarı dárejege kóterildi.
Ótken jılı tovar almasıw kólemi jeti júz million dollardan arttı. Sanaat, energetika, elektrotexnika, toqımashılıq, awıl xojalıǵı hám basqa da tiykarǵı tarawlarda kooperaciyalıq joybarlar tabıslı ámelge asırılmaqta.
Sonday-aq, aymaqlararalıq nátiyjeli baylanıslar hám jedel mádeniy-gumanitarlıq almasıw jolǵa qoyılǵan.

Ikrom AVVALBOEV,
Otabek MIRSOATOV (súwret, video), ÓzAnıń xabarshıları