Qırǵız Respublikası Prezidenti Sadir Japarov «Oraylıq Aziya- Evropa Awqamı» birinshi sammitine qatnasıw ushın elimizge keldi.

Samarqand xalıqaralıq aeroportında joqarı mártebeli miymandı Ózbekstan Respublikası Bas ministri Abdulla Aripov hám basqa da rásmiyler kútip aldı.
Esletip ótemiz, sammit kún tártibine muwapıq, Oraylıq Aziya mámleketleri hám Evropa Awqamı arasındaǵı kóp tárepleme qatnasıqlar hám ámeliy birge islesiwdi rawajlandırıwdıń perspektivaları kórip shıǵıladı.
Usı jerde Ózbekstan Respublikası hám Qırǵız Respublikası arasında erisilgen joqarı dárejedegi kelisimlerdi ámelge asırıwda joqarı nátiyjeler kórsetilip atırǵanın atap ótiw kerek. Atap aytqanda, tovar almasıwdıń kólemi jıldıń basınan berli 70 procentke artqan. Ekonomikanıń hár qıylı tarmaqlarında, atap aytqanda birgeliktegi Investiciyalıq qordıń járdeminde sanaat kooperaciyası tabıslı rawajlanbaqta.
Energetika hám transport kommunikaciyaları tarawındaǵı iri regionallıq joybarlardı, sonıń ishinde, «Qıtay – Qırǵızstan – Ózbekstan» temir jolı qurılısın jedellestiriw máseleleri turaqlı itibarda.

ÓzA