Qazaqstannıń Alma ata qalasında «Evropa Awqamı – Oraylıq Aziya» puqaralıq jámiyeti 5-forumı bolıp ótpekte. Ilajdıń ashılıw máresiminde EA agentlikleri, BMSh, regionallıq húkimetler hám puqaralıq jámiyeti shólkemleriniń 150 den aslam wákili qatnastı.

Oraylıq Aziya ushın EA puqaralıq jámiyetiniń qorı tárepinen shólkemlestirilgen úsh kúnlik májilis regionnıń keleshegin belgilewshi áhmiyetli máseleler, sonıń ishinde, sanlı transformaciya, klimat ózgeriwi, jámiyettegi processlerde jaslarlıń qatnası, hayal-qızlar huqıqı hám imkaniyatların dodalawǵa baǵıshlanǵan.
BMSh Joybarlaw xızmetleri boyınsha byurosı járdeminde shólkemlesterilgen ánjuman birge islesiwdi bekkemlew, regionda nátiyjeli basqarıw hám turaqlı rawajlanıwdı támiyinleytuǵın qararlar qabıllawda belsene qatnastı xoshametlew, mámleketlik emes kommerciyalıq emes shólkemlerdiń imkaniyatın arttırıwǵa járdem beredi.
Strukturanıń Ózbekstandaǵı wákilxanasınıń xabarına bola, bul nátiyjeli sóylesiw maydanı qatnasıwshılarǵa EA tárepinen islep shıǵılǵan Oraylıq Aziya strategiyası hám «Global Gateway» baslaması sheńberindegi tiykarǵı baǵdarlardı alǵa qoyıw, óz-ara pikir hám tájiriybe almasıw ushın jaqsı ǵana imkaniyat jaratadı.
Esletip ótemiz, «Evropa Awqamı – Oraylıq Aziya» puqaralıq jámiyeti 4-forumı 2023-jıl oktyabr ayında Tashkent qalasında ótkerilgen.

Behruz Xudoyberdiev, ÓzA