Qazaqstan Respublikasınıń Shımkent qalasında Ózbekstan Respublikası Oliy Majlisi Senatı hám Qazaqstan Respublikası parlamenti arasında óz-ara birge islesiw boyınsha komissiyanıń tórtinshi májilisi bolıp ótti.

Onda Oliy Majlis Senatı Baslıǵınıń birinshi orınbasarı Sodiq Safoev basshılıǵındaǵı delegaciya qatnastı.
Ilajda sońǵı jılları eki mámleket basshılarınıń ashıq, óz-ara isenimge tiykarlanǵan sóylesiwi hám bekkem siyasiy erk-ıqrarı sebepli Ózbekstan hám Qazaqstan arasındaǵı birge islesiw barlıq tarawlardı doslıq, jaqsı qońsıshılıq, strategiyalıq sheriklik hám awqamlaslıq principleri tiykarında rawajlanıp atırǵanı atap ótildi.
Qızǵın hám isenim ruwxında ótken májiliste eki tárepleme kóp tarmaqlı sheriklikke baylanıslı, sonıń ishinde, siyasiy, sawda-ekonomikalıq, mádeniy-gumanitarlıq tarawlardaǵı keń kólemli máseleler kórip shıǵıldı.
Ózbekstan hám Qazaqstan Senatları arasındaǵı parlamentlerararlıq komissiya jumısınıń nátiyjeliligin arttırıw, atap aytqanda, komissiyanıń 5-májilisin ótkeriw hám onıń sheńberinde eki mámleket parlamentleri arasında jańa «jol kartası»na qol qoyıw usınısı kórip shıǵıldı.
Ilaj sońında óz-ara birge islesiw bunnan bılay da húrmet hám bir-biriniń máplerin esapqa alıw principlerine tiykarlanǵan halda konstruktivlik túrde rawajlanıp barıwına isenim bildirildi. Onda, parlamentleraralıq sóylesiwdi jáne de jedel dawam ettiriw názerde tutılǵan.
Komissiyanıń 5-májilisin usı jıldıń ekinshı yarım jıllıǵında Ózbekstanda ótkeriwge kelisip alındı.

Nurgul ABDURAIMOVA,
ÓzAnıń xabarshısı