Mámleketimizde transport infrastrukturasın rawajlandırıw baǵdarındaǵı Evropa tikleniw hám rawajlanıw banki qatnasıwındaǵı investiciya joybarların ámelge asırıw boyınsha birge islesiw processleri keńeymekte.

Transport ministri Ilham Mahkamov ETRBnıń Ózbekstandaǵı wákilxanasınıń direktorı hám basshısı Andi Aranitasi menen ushırastı.
Ushırasıwda «jasıl» jámiyetlik transporttıń úlesin arttırıw boyınsha Samarqand qalasına elektrobuslar satıp alıwdıń I hám II fazaları, Namangan hám Nókis qalaları ushın elektrobuslar satıp alınıwı, «Úrgensh qalası –Xanqa qalası-Xazarasp qalası- Tashsoqa-Ámiwdárya-A380 avtomobil jolı»nıń 4R 1560- 84 kilometr bólegin rekonstrukciyalaw hám «Ózbekstan temir jolları» AJnı sanlastırıw baǵdarındaǵı birge islesiw máseleleri dodalandı, delinedi Transport ministrligi maǵlıwmatında.
Nátiyjede tárepler bul joybarlardı ámelge asırıw boyınsha birgeliktegi jumıslardı jedellestiriwge kelisip aldı.

ÓzA