Qaraqalpaqstan Respublikası Qońırat rayonında sport imaratların qurıw, sonıń ishinde, jaslardı ǵalabalıq sportqa keńnen tartıw baǵdarında keń kólemli jumıslar ámelge asırılmaqta.

Atap aytqanda, Prezidentimizdiń 2020-jıl 30-oktyabrdegi «Salamat turmıs tárizin qáliplestiriw hám ǵalabalıq sporttı jáne de rawajlandırıw ilajları haqqında»ǵı pármanı xalıq arasında salamat turmıs tárizin keńnen úgit-násiyatlawda júdá áhmiyetli.
Qońırat regionlıq temir jol uzeline qaraslı Lokomotiv sport kompleksindegi jabıq túrdegi júziw basseyninde iri ońlaw jumısları alıp barılıp, paydalanıwǵa tapsırıldı. Onda qurılıs jumısları ushın 1 milliard sumnan aslam qarjı jumsalıp, salamatlıqtı bekkemlew hám mazmunlı dem alıw ushın barlıq sharayatlar jaratıldı. Zamanagóy inventarlar menen támiyinlendi.
Álbette, imarattıń paydalanıwǵa tapsırılıwı jaslar arasında sporttıń júziw túrin keńnen en jaydırıwǵa xızmet etedi.

Qaraqalpaqstan xabar agentligi