Huqıqıy múnásibet

Endigiden bılay zorlıq-zombılıqtan jábirlengen hayal-qızlar my.gov.uz portalı arqalı «Qorǵaw orderi»n alıwǵa onlayn arza tapsırıwı múmkin.

Negizinde kimler «Qorǵaw orderi»n alıwı múmkin boladı?! Múrájatler qalay kórip shıǵıladı?
Tashkent mámleketlik yuridikalıq universiteti Yuridikalıq klinikasınıń xızmetkeri I.Tuev bul boyınsha túsinik berdi:
– «Qorǵaw orderi» múrájati profilaktika inspektorına usınılǵan waqıttan baslap 24 saat ishinde kórip shıǵıladı. Qorǵaw orderi zorlıq islegen puqaraǵa bir qatar sheklewler qoyadı. «Qorǵaw orderi»n zorlıqqa ushıraǵan hayal-qızlar, jas óspirimler alıwı múmkin. Onda ishki isler bólimleri (IIB), máhálle puqaralar jıyını, hayal-qızlar máseleleri boyınsha komissiya hám rayon (qala)lıq prokuraturasına múrájat etiwi múmkin.
Múrájat arza jazıw arqalı yamasa awız-eki tapsırılıwı múmkin. Jábirleniwshi yamasa onıń jaqın tuwısqanları, nızamlı wákilleri Ózbekstan Respublikasınıń Birden-bir interaktiv mámleketlik xızmetler portalı, sonıń ishinde, m6.g9v.7z arqalı onlayn múrájat etiwi múmkin.
Profilaktika inspektorı ishki isler uyımları náwbetshilik bólimleri tárepinen usınılǵan yamasa BIMPX arqalı kelip túsken múrájatler hám xabarlardı 24 saat dawamında úyrenip shıǵadı. Qorǵaw orderi 30 kúnge beriledi hám berilgen kúnnen baslap kúshke kiredi.

Gulnoza Boboeva, ÓzA