Oraylıq bank tárepinen xalıq arasında ótkerilgen sorawlar nátiyjesine bola, dekabr ayında xalıq tárepinen sezilerli inflyaciya dárejesi aldınǵı ayǵa salıstırǵanda tezlesip, 14,7 procentti quradı.
Soralǵanlardıń 57 procenti inflyaciya faktorı sıpatında janar may hám energiya bahasınıń qımbatlawı qáweterin kórsetken.
Sonday-aq, komunallıq xızmetlerdiń qımbatlawı 56 procent, transport qárejetleriniń artıwı 35 procent, bahalardıń artıwı 33 procent qáweterin kórsetken. Biznestiń kútilmeleri birden 1,2 procent bántke tómenlegen hám 13,9 procentke jetken.
Keleshekte bahalarǵa arttırıwshı basım kórsetiwi múmkin bolǵan tiykarǵı faktorlar sıpatında janar may hám energiya resursları, kommunallıq xızmetlerdiń qımbatlawı, valyuta kursınıń ózgeriwi, transport qárejetleriniń artıwı hám monopoliya, bahalardıń jasalma arttırılıwın atap ótken respondentlerdiń úlesi kóbeygen.
Xalıqtıń inflyaciyalıq kútilmeleriniń joqarı kórsetkishi Tashkent qalasında baqlanǵan bolsa, salıstırmalı tómen inflyaciya kútilmeleri Ándijan wálayatında jasap atırǵan xalıq tárepinen belgilendi. Tashkentte xalıqtıń inflyaciyalıq kútilmeleri 19,1 procentti quraǵan. Noyabrda 17,7 procent edi. Bul rásmiy inflyaciyadan derlik 2 esege joqarı degeni.
Isbilermenlik subyektleriniń joqarı inflyaciyalıq kútilmeleri Tashkent qalasında baqlanǵan bolsa, salıstırmalı tómen kútilmeler Qaraqalpaqstan Respublikasında jumıs alıp barıp atırǵan isbilermenler tárepinen belgilendi.
Xalıq tárepinen joqarı sezilgen inflyaciya dárejesi óndiris tarawı wákilleri tárepinen bildirilgen bolsa, salıstırmalı tómen sezilgen inflyaciya dárejesi turmıslıq xızmet tarawı wákilleri tárepinen atap ótildi.

Sh.Mamaturopova, ÓzA