Usı jıldıń 16-aprel kúni Ózbekstan jaslar awqamı Nókis qalalıq Keńesi tárepinen «Kamalak bilimdanları» tańlawınıń Nókis qalalıq basqıshı ótkerildi.

Onda paytaxtımızdaǵı barlıq ulıwma bilim beriw mektepleriniń oqıwshılarınan dúzilgen komandalar qatnastı.

– Tańlawdı ótkeriwden tiykarǵı maqset, balalar shólkemi jumıslarınıń nátiyjeliligin arttırıw, balalardıń sociallıq baslamaların qollap-quwatlaw arqalı keleshekte elimizdiń rawajlanıwı ushın úlken úles qosatuǵın kadrlardı jetilistiriwge kómeklesiwden ibarat, – deydi Ózbekstan jaslar awqamı Nókis qalalıq Keńesi «Kamalak» balalar shólkemi baslıǵı Azamat Abibullaev.

Tańlaw juwmaǵında, 3-orındı 13-sanlı ulıwma bilim beriw mektebi, 2-orındı 1-sanlı qánigelestirilgen ulıwma bilim beriw mektebi hám 1-orındı 23-sanlı ulıwma bilim beriw mektebiniń oqıwshılarınan dúzilgen komandalar jeńip aldı. Jeńimpazlar shólkemlestiriwshiler tárepinen tayarlanǵan diplom hám sawǵalar menen sıylıqlandı.

Islam Matekov,

Qaraqalpaqstan xabar agentliginiń sholıwshısı.