Usı jıldıń 23-mart kúni Berdaq atındaǵı Qaraqalpaq mámleketlik universiteti jurnalistika kafedrasında YuNESKOnıń Ózbekstandaǵı wákilxanası menen birgelikte tayarlanǵan «Wzbekistonda jurnalistika talimi modellari strategiyasi: milliy va xalqaro tajriba» atamasındaǵı kitaptıń prezentaciyası bolıp ótti. Oǵan universitettiń jurnalistika kafedrasınıń professor–oqıtıwshıları, ilimiy izleniwshiler, studentler hám kitap avtorlarınıń biri, ilimiy izleniwshi B.Alimov qatnastı.
Kitap izleniwshi B.Alimov hám filologiya ilimleriniń doktorı Ya.Mamatovalardıń avtorlıǵında jarıq kórgen bolıp, onda búgingi globallasıp baratırǵan dúnyada joqarı maǵlıwmatlı jurnalist kadrlardı tayarlaw, kónlikpe hám tájiriybelerin arttırıwda shet eller, sonday-aq, jergilikli tájiriybe haqqında ilimiy pikirler, jańalıqlar keltirilgen.
Prezentaciyada kitaptıń jirnalistlik bilimlendiriwdegi áhmiyeti haqqında keń túrde pikir almasıwlar hám soraw-juwaplar ótkerildi.
Islam Matekov,
Qaraqalpaqstan xabar agentliginiń sholıwshısı.