Respublikamızda gewrek plantaciyaların shólkemlestiriw hám olardıń shiyki zatın qayta islew kólemlerin kóbeytiw hám eksport etiw ilajları haqqındaǵı Prezident qararı qabıl etildi. Bul haqqında Ádillik ministrliginiń «Huquqiy axborot» kanalı málim etti.
Qarar tiykarında shólkemlestirilip atırǵan Gewrek jetistiriwshiler hám eksport etiwshiler birlespesi gewrek plantaciyasın shólkemlestiriwshilerge plantaciya shólkemlestiriw jáne shiyki zat jetistiriw boyınsha metodikalıq járdem beriw hám usınıslar islep shıǵıw menen shuǵıllanadı.
Qarar tiykarında gewrek plantaciyaların shólkemlestiriw parametrleri tastıyıqlandı.
Atap aytqanda, 2018-2021-jılları jámi 9500 gektarlıq orınǵa gewrek egilip, onnan 2550 tonna ónim alıw rejelestirilgen.
Qaraqalpaqstan Respublikası Ministrler Keńesi, wálayatlar hákimlerine eki ay múddette gewrek ósetuǵın aymaqlardı anıqlaw hám rezervtegi jer maydanların turaqlı paydalanıw ushın birlespe aǵzalarına ajıratıp beriliwin támiyinlew wazıypası júkletildi.
Qaraqalpaqstan xabar agentligi