Hákimshilik juwapkershilik haqqındaǵı kodekstiń 187-statyasına muwapıq alkogol ónimlerin:

– jumıs orınlarında, kóshelerde, stadionlarda, dem alıw baǵlarında, jámiyetlik transportlardıń barlıq túrlerinde;

– basqa jámiyetlik orınlarda (toylar, yubileyler hám basqa saltanatlı merekeler ótkeriletuǵın orınlar, sonday-aq, alkogol ónimin quyıp realizaciyalawǵa ruqsat etilgen sawda hám ulıwmalıq awqatlanıw obektleri buǵan kirmeydi) paydanalınıw – eń kem miynet haqınıń ekiden bir bólegi muǵdarında járiyma salıwǵa sebep boladı;

– usınday huqıqbuzıwshılıq hákimshilik jaza sharası qollanılǵanınan keyin bir jıl dawamında qaytalansa – eń kem miynet haqısınıń ekiden bir bóleginen eki esesine shekemgi muǵdarda járiymaǵa tartıwǵa yamasa on bes sutkaǵa shekem hákimshilik qamaqqa alıwǵa sebepshi boladı. Bul haqqında Ádillik ministrliginiń «Huquqiy axborot» kanalı málim etti.

Esletip ótemiz, ámeldegi nızamshılıqqa muwapıq pivo da alkogol ónimi bolıp esaplanadı (alkogolsız pivodan basqaları).

Qaraqalpaqstan xabar agentligi