Búgin, yaǵnıy 21-mart kúni Ózbekstan Respublikası Prezidenti Shavkat Mirziyoev Tashkent qalasında “Ózekspooray”da shólkemlestirilgen bayram seyiline qatnastı hám xalqımızdı Nawrız ulıwma xalıqlıq bayramı menen qutlıqladı, dep xabar bermekte Kun.uz basılımı.

“Atızlarımızda, alıs-alıs awıllarımızda xalqımız Nawrızdı, oyanıw, jasarıw bayramın úlken saltanat penen kútip almaqta. Álbette, jannan áziz watanımızda júz berip atırǵan ózgerisler, qabıl etken strategiyamızdıń eń úlken mazmunı da xalqımızdı razı etiwden ibarat.

Búgin álbette bayramdı úlken seyil etip ótkergenimiz biykarǵa emes. Qıstan shıqqan xalqımız báhárgi bayramdı joqarı keypiyat, shúkirshilik penen kútip almaqta.

Wálayatlarımızdı aylanıp shıqqanımızda aqsaqallarımız, húrmetli analarımız, qarındaslarımız, perzentlerimizdiń keypiyatları hámmemizge kúsh baǵıshladı.

Diyqanlarımız, shigit egip atırǵan fermerlerimiz, atızlarda jumıs islep atırǵan miynetkeshlerimizge qut-bereket tileymiz. Olardıń bildirgen tilekleri elimizge molshılıq alıp kelsin.

Janajan watanımızda kóp milletli xalqımız milleti, tili, dinine qaramastan bir shańaraq aǵzaları bolıp jasamaqta. Iláyım kóz tiymesin, iláyım xalqımızdıń barlıq niyetleri ámelge assın, xalqımızdıń eń úlken maqseti – elimizde tınıshlıq bolsın, elimizge kóz tiymesin. Jáne bir márte sizlerdi Nawrız bayramı menen qutlıqlayman. Saw-salamat bolıń!”, – dep aytıp ótken prezident.

Qaraqalpaqstan xabar agentligi