Еkologiya, qorshaǵan ortalıqtı qorǵaw hám klimat ózgeriwi ministrligi tárepinen ámelge asırılıp atırǵan joybar sheӊberinde Toǵay xojalıǵı ilimiy-izertlew institutı xızmetkerleri Aral teӊiziniӊ qurıǵan túbinde shorlanǵan topıraqlarda jetistiriw ushın beyim ósimlik túrlerin anıqlaw boyınsha sınaqlar ótkermekte.
Onda ósimliklerdiӊ tek ǵana ekstremal sharayatlarǵa beyimlesiw qábiletine emes, al ekosistemanıӊ biologiyalıq funkciyaların tiklew imkaniyatlarına da ayrıqsha itibar qaratılmaqta. Ósimlik qaplamasın tiklew topıraqtı turaqlastırıw, shaӊ boranlarınıӊ dárejesin tómenletiw hám regiondaǵı mikroklimat sharayatların jaqsılawǵa járdem beredi.
Sınaq jumısları nátiyjelerine bola, shorlanǵan jerlerde ósiwge eӊ beyimlesken ósimlikler anıqlanadı hám islep shıǵarıwǵa usınıs etiledi. Alınǵan maǵlıwmatlar shólleniwge qarsı gúresiw hám Aral aymaǵı ekosistemasın tiklew boyınsha strategiyalardı islep shıǵıwǵa járdem beredi, bul bolsa, óz gezeginde, jergilikli xalıqtıӊ turmıs sapasın jaqsılawǵa xızmet etedi.
Qaraqalpaqstan xabar agentligi