Ózbekstan Respublikası Ministrler Kabinetiniń 2018-jılǵı 14-marttaǵı Biyligine muwapıq «Umid nihollari-2018» sport jarıslarınıń finallıq basqıshları 2018-jıl mart ayınıń aqırǵı on kúnliginde ótkeriledi. Bul haqqında Ózbekstan Respublikası Ádillik ministrliginiń huqıqıy málimleme telegram kanalı xabar etedi.

“Umid nihollari-2018” jaslar arasında salamat turmıs tárizin hár tárepleme úgit-násiyatlaw, orınlarda qurılǵan zamanagóy sport komplekslerinen nátiyjeli paydalanıwdı támiyinlew maqsetinde Qaraqalpaqstan Respublikası, wálayatlar orayları hám Tashkent qalasında ótkeriledi.

Ótkerilgen sport jarıslarda jeńimpaz hám sıylıqlı orın iyelegen oqıwshılardı sıylıqlaw ilajları 14-19 may kúnleri “Jaslıq hám sport” bayramı sıpatında shólkemlestiriledi.

“Umid nihollari-2018” sport jarıslarınıń finallıq basqıshlarında sıylıqlı orınlardı qolǵa kirgizgen komanda hám oqıwshılar estelik sawǵaları menen, ulıwma komandalıq esapta 1-orındı iyelegen rayon (qala) komandaları Prezident sawǵası – “Damas” markalı avtomobil menen sıylıqlanadı.

Qaraqalpaqstan xabar agentligi