Usı jıldıń 20-mart kúni Buxara-Miskin temir jol liniyasında jolawshılardı tasıw baslandı. Bul haqqında Ózbekstan temir jolları kompaniyasınıń málimleme xızmeti xabar bermekte.

Prezidentimiz Shavkat Mirziyoevtiń 2017-jıl 13-marttaǵı «Buxara – Miskin temir jol liniyasın qurıw ilajları haqqında»ǵı qararına muwapıq qurılǵan usı temir jol liniyasınıń ulıwmalıq uzınlıǵı 355 kilometrdi quraydı. Onıń 335 kilometrinde jańa polat quymalar jatqarılǵan bolsa, 20 kilometr aralıqtaǵı temir jol túpkilikli qayta qurıldı.

Qurılıs-montaj jumısları Buxara rayonınan Miskin bándirgisine shekemgi aralıqta, bir waqıttıń ózindeeki tárepten ámelge asırıldı. Bul jóneliste 121 jasalma qurılıs, 12 kópir hám 6 jol ótkergish qurıp pitkerildi. Joybar sheńberinde 21,2 million kubometr kólemdegi topıraq jumısları ámelge asırıldı. Sonıń menen birge, bul jóneliste 5 stanciya (Yangiobod, Tuztepa, Uchachiq, Suzakdor, Dáwtóbe) hám 5 razezd (Mashak, Azanir, Alabuǵa, Jekesay, Aqchuqa) qurıldı.

Maǵlıwmat ushın, 2017-jıl 1-dekabrden baslap bul temir jol liniyası arqalı júk poezdleriniń qatnawı jolǵa qoyılǵan edi.

Qaraqalpaqstan xabar agentligi