Ózbekstan mámleketlik kórkem óner hám mádeniyat institutı jáne usı instituttıń Nókis hám de Ferǵana aymaqlıq filiallarınıń baslaması menen bir topar qolı ashıq insanlardıń qatnasıwında Qoqandtan 15 million sumlıq miywe hám sayamanlı terek nálleri Nókiske jiberildi. Bul haqqında ÓzA xabar bermekte.
Maǵlıwmatlarǵa qaraǵanda, Nókiste Ózbekstan mámleketlik kórkem óner hám mádeniyat institutı Nókis filialı jámááti 3 gektar jerdi tayarlap qoyǵan.
— Biz Moynaqqa da barıp, terek nállerin egip, tájiriybe ótkeriw niyetindemiz. Ol jerge barǵan ishki hám sırtqı turistler egilgen nállerge suw quyıp, sońınan sayaxatın dawam ettiredi, – deydi filologiya ilimleriniń kandidatı, docent Rashid Shukurov.
Qaraqalpaqstan xabar agentligi.