Ózbekstan Respublikası Prezidentiniń Qaraqalpaqstan Respublikasında kishi sanaat zonaların shólkemlestiriw ilajları haqqındaǵı qararı qabıl etildi. Bul haqqında Ádillik ministrliginiń «Huquqiy axborot» kanalı málim etti, dep jazadı ÓzA.

Qararǵa muwapıq, Ámiwdárya, Xojeli, Shımbay, Qońırat, Beruniy hám Taqıyatas rayonlarında paydalanılmay turǵan óndirislik maydanlar jáne bos turǵan obektler negizinde kishi sanaat zonaları shólkemlestiriledi.

Kishi sanaat zonaları aymaǵındaǵı isbilermenlik subektlerine mámleketlik kóshpes múlk obektleri joybarlardı ámelge asırıw haqqındaǵı kelisimlerdi orınlaw jáne barlıq salıqlar hám basqa májbúriy tólemlerdi óz waqtında tólew shárti menen keyin ala múlk huqıqı berilgen halda 5 jıllıq uzaq múddetke ijaraǵa beriledi.

Sonday-aq, mámleketlik kóshpes múlkten paydalanıw ushın ijara tóleminiń «nol»lik stavkası belgilengen.

Kishi sanaat zonalarında 2020-jıldıń 1-fevralına shekem jer salıǵın tólewden azat etiledi.

Bul kishi sanaat zonalarında ámelge asırılıp atırǵan investiciyalıq joybarlardı qarjılandırıw ushın 75 million AQSh jolları muǵdarında kredit liniyaları ashılmaqta.

Qaraqalpaqstan xabar agentligi