Olimpiya hám milliy sport túrleri boyınsha Nókis joqarı sport mektebin shólkemlestiriw haqqındaǵı Húkimetlik qarar qabıl etildi. Bul haqqında Ádillik ministrliginiń «Huquqiy axborot» kanalı málim etti.

Bul qarar tiykarında Dene tárbiyası hám sport boyınsha mámleketlik komitetiniń Nókis qalasında jańa sport kompleksi tiykarında Olimpiya hám sport túrleri boyınsha Nókis joqarı sport tájiriybe mektebi shólkemlestiriledi.

Joqarı sport tájiriybe mektebiniń tiykarǵı wazıypalarınıń biri sıpatında sporttıń olimpiya hám milliy sport túrleri boyınsha shuǵıllanıw ushın zárúrli sport kórsetkishleri, sport dárejesi, sporttıń saylanǵan túri boyınsha professional kónlikpeler jáne tájiriybege iye bolǵan qábiletli, sonday-aq, perspektivalı sportshılardı saylap alıw belgilenbekte.

Qaraqalpaqstan xabar agentligi