Bugun –16 fevral kuni Xitoy poytaxti Pekin shahrida davom etayotgan XXIV qishki olimpiya o‘yinlarining ertalabki dasturida hamyurtimiz Komiljon To‘xtayev tog‘ chang‘isining slalomdagi bahslarini o‘tkazdi.
Xabar berganimizdek, sportchimiz 13 fevral kuni gigant slalomda 29-o‘rinni egallab, oq olimpiadadagi o‘z shaxsiy rekordini yangilagan edi.
bugungi slalom bahslari esa afsuski yagona sportchimiz uchun omadsiz yakunlandi. U marraga yaqin qolganda xatolikka yo‘l qo‘yib, musobaqani natijasiz poyoniga yetkazgan 36 nafar sportchilar qatoridan joy oldi.
Ushbu saralash bahsida omadi chopgan 50 nafardan oshiq sportchi Pekin olimpiadasining medallari uchun kurashni davom ettirmoqda.
T. Ro‘ziyev, O‘zA