FOTOREPORTAJ
Bugun Toshkentdagi xalqaro shaxmat akademiyasida sovrin jamg‘armasi 75 ming AQSH dollari bo‘lgan «Prezident kubogi» an’anaviy turniri boshlandi.
Shaxmatchilar ikki guruh – «A» va «B»dan joy oldilar. «A» guruhida reyting ko‘rsatgichlari 2250 va undan yuqori bo‘lgan shaxmatchilar «B» guruhida esa 2249 va undan past bo‘lgan sportchilar dona suradi.
Musobaqalarning 1-turiga start berilishidan oldin tantanali ochilish marosimi bo‘lib o‘tdi. Ramziy ma’noda shaxmat yurishlari namoyish etilgach, o‘yinlar boshlanib ketdi.
Hamyurtimiz Nodirbek Abdusattorov (2777) 1-turda Panda Sambit (2380) ustidan ishonchli g‘alabaga erishdi. Yana bir shaxmatchimiz Javohir Sindarov Yekaterina Golstevani mag‘lub etdi. Vatanimiz sha’nini himoya etayotgan Nodirbek Yoqubboyev, Ulug‘bek Tillayev, Muhiddin Madaminov, Ortiq Nig‘matov, Olmos Rahmatillayev kabi sportchilar ham g‘alaba qozondi. Afruza Hamdamova, Toir Vohidov, Akbarali Abduhakimov, Shamsiddin Vohidov kabi shaxmatchilarimiz durang bilan kifoyalandi.
Musobaqa 30 noyabrga qadar davom etadi.
Muhammad AMIN (surat), O‘zA