Demak, Rossiyada tug‘ilgan kvintetlardan biri 24 sentyabr kuni “The Best”ga loyiq ko‘riladimi?

Biz beshta nomzodni hamda ularning jahon kubogida qanday ishlashlarini ko‘rib chiqamiz.

Rossiya terma jamoasi bilan nimchorak finalda Ispaniya ustidan penaltilar seriyasida zafar quchdi. 48 yillik natijani yangiladi.

G‘alabadan so‘ngi nutqi esa quyidagicha bo‘ldi: “Xudoga shukr, futbolchilarim nima demoqchi bo‘lgan barcha gaplarimni tushunishdi. Biz bir birimizga ishondik. O‘ylaymanki, g‘alabada ularning hissasi ko‘proq mening strategiyamga nisbatan.”

Uning haqqiga aytilgan eng ulug‘ maqtovlardan birini: “Yaxshi. Eng yaxshi. Top!”, – deya “Zenit” darvozaboni Andrey Lunev aytdi.

Darvoqe, Rossiyagacha hech bir terma dastlabki 2 turda 8 ta gol urib keyingi bosqichga chiqmagan edi. 1938 yilgi Italiyani inobatga olmaganda.

Finalgacha uch marta qo‘shimcha bo‘limlarda o‘ynagan jahon chempionatlaridagi yagona jamoa. Shuningdek, musobaqada muxlislar mehrini qozona olgan kamdan-kam termalardan.

Fransiyadan uchralgan mag‘lubiyatdan so‘ng Dalich: “Qaysi bahsda g‘alaba qozongan bo‘lsak, bunga biz haqli ravishda erishdik. Kimdir bizni tasodifan finalga chiqdi, deyishi mumkin. Biroq taklif etilgan joyga borish kerak-ku, axir!!!”

Dalich haqida 1998 yil Xorvatiyani yarim finalga olib chiqqan Miroslav Blazevich qisqa qilib shunday dedi: “Zlatko ajoyib murabbiy. Maslahatlarimga zor emas.”

Xorvatiya 1950 yilgi finalda o‘ynagan Urugvaydan so‘ng 68 yil davomida jahon kubogi finalida o‘ynagan eng kichik mamlakat sifatida e’tirof etildi.

Finalda xorvatlarni 4:2 hisobida mag‘lub etdi uning jamoasi.

Finaldan keyingi gaplarini quyidagicha talqin qildik: “Bu jamoa bilan faxrlanishimning asosiy manbayi – yagona termaning shakllanganligidir. Yigitlar ancha ulg‘aygan. Ikki yil avvalgi Fransiya bilan hozirgisini o‘rtasida yer bilan osmoncha farq bor. Men doimo futbolchilarimga bir narsani uqtirib keldim: hech qachon, hech qachon, hech qachon hech narsadan voz kechmang! Orzuyingizdan ham!”

Desham haqida yordamchisi shunday deydi: “Bir erkakda bo‘lishi mumkin bo‘lgan barcha narsa unda mujassam. Shuning o‘zi Didieni g‘olib qatorida bo‘lishi uchun yetarlidir.”

Desham terma jamoa libosida hamda murabbiy sifatida jahon kubogini boshi uzri ko‘targan Mario Zagalo va Frans Bekkenbaurdan keyingi uchinchi murabbiy sifatida tarixda qoladigan bo‘ldi. Bekkenbaur o‘zining natijasini takrorlagan Deshamni samimiy qutladi va: “Klubimizga xush kelibsan, Didie. Hozir uchtamiz. Ehtimol yana ko‘payarmiz.”, – degancha unga omad tiladi.

Martinez turnir davomida taktik o‘zgarishlari bilan obro‘ qozondi. U terma bilan birgalikda chorak finalda Braziliyani 2:1 hisobida mag‘lubiyatga uchratdi. Shubhasiz, bu uning mavqeyini oshirib yubordi.

Uning sevimli iborasi quyidagicha edi: “Haqiqiy baxt va haqiqiy muvaffaqiyat bor. Siz tomosha qilgan futbol – biz o‘ynagan futbol – Belgiya futboli, bu bizning brendimiz. Shuningdek, birga ishlash va o‘zaro moslashuvchanlik; taktika bilan butun millatni ko‘rsatishga intildik.”

Martinez haqida: “Nihoyat! Belgiya uchun munosib murabbiy topildi. U jamoani yakdil holatga olib kela oldi. Robertodan boshqasi bu ishni uddalay olmagan bo‘lardi.”, – deydi afsonaviy nemis futbolchisi Yurgen Klinsman.

Darvoqe, Belgiya termasi o‘z tarixida ilk marta yarim finalda o‘ynadi.

Kolumbiya bilan bo‘lib o‘tgan bahsdagi penaltilar seriyasidagi g‘alaba Angliya termasining tarixda ilkinchi marta “futbol lotereyasi“da muvaffaqiyat qozonishi edi. Bundan avval inglizlar hech qachon penaltilar bahsida zafar quchmagan.

Sautgeytning musobaqadan keyingi so‘zlari: “Biz ajoyib futbol namoyish etdik. Kelajak uchun bu jamoa o‘rnak hamda tajriba vazifasini o‘taydi.”

U haqidagi fikrlardan eng yaxshisini Garri Nevill aytdi: “Garet mamlakat faxri. Aqli, tajribali, xaloskor va fidokor inson”

Angliya oxirgi marta 1990 yilgi mundial yarim finalida o‘ynagan edi.