Argentina matbuoti Lionel Messining “Parij-2024” Olimpiadasida qatnashishi to‘g‘risida turli xabarlarni tarqatmoqda. Bu qanchalik haqiqatga yaqin ekanini vaqt ko‘rsatadi.
Futbol bo‘yicha Argentina olimpiya terma jamoasining “Parij-2024” o‘yinlariga yo‘llanmani qo‘lga kiritishi Lionel Messi atrofidagi gap-so‘zlarni ko‘paytirdi. Hozirda dunyo sport nashrlarida Messining Fransiyada o‘tadigan yozgi Olimpiya o‘yinlarida ishtirok etish masalasi qizg‘in muhokama qilinmoqda.
Messining Parij Olimpiadasida ishtirok etish imkoniyatlari haqidagi savolga Argentina olimpiya terma jamoasi bosh murabbiyi Xaver Maskerano Messi Argentina jamoasining bir qismi bo‘lish imkoniyati har doim borligini bildirib o‘tdi.
Uning so‘zlariga ko‘ra, Messining 2024 yilgi Parij o‘yinlariga qatnashishi nimani anglatishi barchaga ayon. Bu, butun o‘yinlar davomida sportchilarga katta ruhiy quvvat bag‘ishlashi shubhasiz. Biroq, Fransiyaga borish-bormaslik uning futbolchining o‘ziga bog‘liq.
T.Ro‘ziyev, O‘zA