Xanchjou shahrida o‘tayotgan Paraosiyo o‘yinlarining para kanoe bo‘yicha ayollar o‘rtasida VL3 klassida final bellashuvlarida ishtirok etgan vakilimiz Shahzoda Mamadaliyeva 58.775 soniya natija bilan marraga birinchi bo‘lib yetib keldi va delegatsiyamiz hisobiga ilk oltin medalni yozdirib qo‘ydi.

Shuningdek, para kanoe bo‘yicha ayollar o‘rtasida VL2 klassida final bahslari o‘z yakuniga yetdi. Unda ishtirok etgan hamyurtimiz Iroda Rustamova 1:02.775 daqiqa vaqt bilan marraga birinchi bo‘lib yetib keldi va delegatsiyamiz hisobiga ikkinchi oltin medalni keltirdi.

Musobaqa davom etmoqda.

Javohir Toshxo‘jayev, O‘zA