![](https://cdn.uza.uz/2023/04/22/06/51/K5WPDtMgVjeGo8u7HOyfzClgD1WUYevj_front.jpg)
Davlatimiz rahbarining Ramazon hayitini nishonlash to‘g‘risidagi qarori ijrosini ta’minlash, aholining bayramni yuksak saviyada o‘tkazishi uchun qulay shart-sharoit yaratish maqsadida Orolbo‘yida qator tadbirlar o‘tkazilmoqda.
![](https://cdn.uza.uz/2023/04/22/06/51/otiqSggJvwS1vQnhrA11q95M7B4lf1Bk_front.jpg)
Jumladan, Bosh prokuratura huzuridagi Departamentning Qoraqalpog‘iston Respublikasi Qonliko‘l tumani bo‘limi tashabbusi bilan tuman hokimligi, “Dehqon bozori” mas’uliyati cheklangan jamiyati, prokuratura bilan hamkorlikda ko‘chma savdo yarmarkasi tashkil etildi. 3-sektor tasarrufidagi “Jayhun” mahalla fuqarolar yig‘ini hududida tashkil etilgan yarmarkadan ko‘zlangan maqsad savdo rastalarini asosiy turdagi oziq-ovqat hamda qishloq xo‘jaligi mahsulotlari bilan ta’minlash, narxlarning asossiz oshib ketishining oldini olish, aholiga yanada qulay sharoit yaratishdan iborat.
Bayram kunlarida joylarda ko‘chma savdo yarmarkalari davom etmoqda.
Dovud ABIBULLAEV, O‘zA