![](https://cdn.uza.uz/2023/04/22/06/51/K5WPDtMgVjeGo8u7HOyfzClgD1WUYevj_front.jpg)
Давлатимиз раҳбарининг Рамазон ҳайитини нишонлаш тўғрисидаги қарори ижросини таъминлаш, аҳолининг байрамни юксак савияда ўтказиши учун қулай шарт-шароит яратиш мақсадида Оролбўйида қатор тадбирлар ўтказилмоқда.
![](https://cdn.uza.uz/2023/04/22/06/51/otiqSggJvwS1vQnhrA11q95M7B4lf1Bk_front.jpg)
Жумладан, Бош прокуратура ҳузуридаги Департаментнинг Қорақалпоғистон Республикаси Қонликўл тумани бўлими ташаббуси билан туман ҳокимлиги, “Деҳқон бозори” масъулияти чекланган жамияти, прокуратура билан ҳамкорликда кўчма савдо ярмаркаси ташкил этилди. 3-сектор тасарруфидаги “Жайҳун” маҳалла фуқаролар йиғини ҳудудида ташкил этилган ярмаркадан кўзланган мақсад савдо расталарини асосий турдаги озиқ-овқат ҳамда қишлоқ хўжалиги маҳсулотлари билан таъминлаш, нархларнинг асоссиз ошиб кетишининг олдини олиш, аҳолига янада қулай шароит яратишдан иборат.
Байрам кунларида жойларда кўчма савдо ярмаркалари давом этмоқда.
Довуд АБИБУЛЛАЕВ, ЎзА