Turkiyada velosport bo‘yicha o‘tkazilgan xalqaro turnirda mamlakatimiz sportchilari «Parij – 2024» Olimpiadasining reyting ochkolarini qo‘lga kiritdi.
Bu haqda Milliy olimpiya qo‘mitasi xabar tarqatdi.
Xabarda aytilishicha, O‘zbekiston terma jamoasi navbatdagi musobaqada ishtirok etib, 2 ta bronza medalini qo‘lga kiritdi.
Mamlakatning Alaniya hududida o‘tgan bir kunlik “GP ALANYA CUP” xalqaro musobaqasida hamyurtlarimizdan Daniil Yevdokimov va Mohinabonu Elmurodova bronza medallariga sazovor bo‘lishdi.
Ushbu natija sportchilarimizga «Parij–2024» Olimpiadasi reytingi uchun 25 ochkodan jamg‘arishiga imkon yaratdi.
T. RO‘ZIEV, O‘zA