Hindiston poytaxtidagi “Palam” aeroportida davlatimiz rahbari Hindiston Respublikasi hukumati vakillari tomonidan hind anʼanalariga xos tarzda kutib olindi.

Shundan soʻng Oʻzbekiston delegatsiyasi oʻzi uchun ajratilgan qarorgohga yoʻl oldi.

Oliy darajadagi Oʻzbekiston – Hindiston muloqotida yangi sahifa ochishi kutilayotgan mazkur tashrifga alohida tayyorgarlik koʻrilgan.

Tashrif davomida Hindiston Respublikasi Prezidenti Ram Nath Kovind, Bosh vazir Narendra Modi va Hindistonning boshqa rahbarlari bilan mamlakatlarimiz hamkorligini yanada kengaytirishga doir ikki tomonlama qator uchrashuv va muzokaralar oʻtkazilishi rejalashtirilgan.