Joriy yil 9 iyun kuni 25-Shanxay xalqaro kinofestivali start oladi. Mazkur anjumanning 30 yilligi, nihoyat, to‘liq oflayn-formatda nishonlanadi, deb yozdi “Sinxua”.
Festival doirasida xalqaro hamkorlik, kino ta’limi sohasida innovatsiya, kino va texnologiya integratsiyasi mavzulariga, shuningdek ilmiy-fantastik filmlar namoyishiga bag‘ishlangan 10 dan ziyod forum tashkil etiladi.
17 iyun kuni Shanxay Katta teatrida “Oltin kubok” mukofotini topshirish marosimi bo‘lib o‘tsa, filmlarning butun shahar bo‘ylab namoyishi 18 iyunda yakunlanadi.
“Oltin kubok” mukofoti egalari jami beshta – to‘liq va qisqa metrajli, hujjatli, animatsion filmlar hamda Osiyoning yangi iste’dodlari yo‘nalishlarida aniqlanadi.
Nashr ma’lum qilishicha, ilk bor 1993 yil o‘tkazilgan mazkur kinofestival megapolisni xalqaro madaniyat markaziga aylantirgan.
G.Abdullayeva, O‘zA