Fransiyaning Sen-Dize shahrida o‘tkazilgan tennis bo‘yicha ITF M25 toifasidagi xalqaro turnir yakunida hamyurtimiz Humoyun Sultonov 2-o‘rinni egalladi. Mahoratli tennischimiz finalgacha bo‘lgan barcha bahslarni g‘alaba bilan yakunladi.

Xalqaro turnir davomida hamyurtimiz fransiyalik Hug Pontikoni 6/1, 6/1, germaniyalik Florianni 6/1, 6/4 hisoblarida dog‘da qoldirgan bo‘lsa, yarim finalda mezbonlar vakili Lukas Pullaynni 3/6, 6/2, 7/6 (9/7) ko‘rinishida mag‘lubiyatga uchratdi.

ITF M25 xalqaro turnirining bosh sovrin uchun kechgan final bahsida esa turnirning ikkinchi raketkasi, ATP reytingida 399-o‘rinda borayotgan fransiyalik Klement Chidex bilan ro‘baro‘ keldi. Shiddatli o‘tgan uchrashuv so‘nggida hisob 6/7 (4), 1/6 tarzda mezbonlar vakili foydasiga hal bo‘ldi. Bu esa ATP reytingida 461-o‘rinni qayd etgan Sultonovning Fransiyadagi xalqaro turnirda 2-o‘rinni egallashini ta’minladi.

T. Ro‘ziyev, O‘zA