Xabar berganimizdek, Fransiyaning Sen-Dize shahrida tennis bo‘yicha davom etayotgan ITF M25 toifasidagi xalqaro turnirda hamyurtimiz Humoyun Sultonov muvaffaqiyatli ishtirok etmoqda.

Mazkur turnirda munosib natijalarga erishayotgan Sultonov saralash o‘yinlarini muvaffaqiyatli o‘tkazib, 1/2 final uchrashuvida mezbonlar vakili Lukas Pullayn bilan bahs olib bordi. Shiddatli o‘tgan o‘yin davomida tennischimiz raqibini 3/6, 6/2, tay-brekda 7/6(9/7) hisoblarida mag‘lubiyatga uchratdi.

Endi Humoyun bosh sovrin uchun kechadigan bahsda Yannik Steynegger (Shveysariya) – Klement Chidex (Fransiya) qarama-qarshiligi g‘olibi bilan kuch sinashadi, deyiladi O‘zbekiston tennis federatsiyasi xabarida.

T, Ro‘ziyev. O‘zA.