Банк карталары менен байланыслы алдаўшылықлардың алдын алыў мақсетинде банклер ҳәм төлем шөлкемлериниң мобиль қосымшаларында “Жаңа дизимнен өтиў,” “Парольди қайта тиклеў” ҳәм “Есап бетке басқа қурылмадан кириў”де биометрикалық идентификациядан (Face-ID) өтиў механизми енгизилген.

Бул жағдайдан келип шығып, жас өспиримлер ушын мобиль қосымша арқалы электрон төлем имканиятын бериў ҳәм жоқары қәўипли әмелиятлар ушын қосымша идентификация механизмлерин сақлап қалыў имканиятларын жаратыў бойынша тийисли көрсетпе жиберилген.

Қысқа мүддет ишинде жас өспиримлер банклер ҳәм төлем шөлкемлериниң мобиль қосымшалары арқалы өз банк карталарынан пайдаланыў имканиятына ийе болыўы мүмкин екенлиги мәлим етиледи.

Қарақалпақстан хабар агентлиги