Bank kartaları menen baylanıslı aldawshılıqlardıń aldın alıw maqsetinde bankler hám tólem shólkemleriniń mobil qosımshalarında “Jańa dizimnen ótiw,” “Paroldi qayta tiklew” hám “Esap betke basqa qurılmadan kiriw”de biometrikalıq identifikaciyadan (Face-ID) ótiw mexanizmi engizilgen.

Bul jaǵdaydan kelip shıǵıp, jas óspirimler ushın mobil qosımsha arqalı elektron tólem imkaniyatın beriw hám joqarı qáwipli ámeliyatlar ushın qosımsha identifikaciya mexanizmlerin saqlap qalıw imkaniyatların jaratıw boyınsha tiyisli kórsetpe jiberilgen.
Qısqa múddet ishinde jas óspirimler bankler hám tólem shólkemleriniń mobil qosımshaları arqalı óz bank kartalarınan paydalanıw imkaniyatına iye bolıwı múmkin ekenligi málim etiledi.

Qaraqalpaqstan xabar agentligi