Қорғаныў министрлигиниң жумысшы топары ҳәм “Өзархив” агентлигиниң жумысшы топары менен биргеликте мәмлекетимиз басшысының 2024-жыл 19-июльдеги “Сиясий репрессия қурбаны болған ўатанласларымыздың турмысы ҳәм жумысын үйрениў, үгит-нәсиятлаў және олардың естелигин мәңгилестириў бағдарындағы жумысларды кеңейтиў ҳаққында”ғы қарарының орынланыўы шеңберинде мәжилис болып өтти.

Онда сиясий репрессия қурбанларына байланыслы архив ҳүжжетлеринен пайдаланыў, олардың өмири ҳәм жумысын үйрениў, жадидлер турмысына байланыслы ҳүжжетлерди таллаў және илимий басылымлар таярлаў бағдарында әмелге асырылған жумыслар додаланды.

Таллаўлар тийкарында бир қатар жуўмақлар ҳәм усыныслар ислеп шығылды. Қорғаныў министрлигиниң жуўапкерлерине архив иси процеси жақыннан таныстырылды.

Мәжилис жуўмағында Қорғаныў министрлиги ҳәм “Өзархив” агентлиги арасында репрессия қурбанлары болған шахсларға байланыслы әдебиятлар, архив ҳүжжетлерин илимий үйрениў, санластырыў ҳәм кең жәмийетшиликке жеткериўде бирге ислесиўдиң жаңа басқышын белгилеў мақсетинде Меморандумға қол қойылды.

Илажда атап өтилгениндей, бул бирге ислесиў тарийхый ҳақыйқатты терең үйрениў ҳәм репрессия қурбанларының естелигин мәңгилестириў жолындағы әҳмийетли қәдем болды.

Гулноза Бобоева, ӨзА