Qorǵanıw ministrliginiń jumısshı toparı hám “Ózarxiv” agentliginiń jumısshı toparı menen birgelikte mámleketimiz basshısınıń 2024-jıl 19-iyuldegi “Siyasiy repressiya qurbanı bolǵan watanlaslarımızdıń turmısı hám jumısın úyreniw, úgit-násiyatlaw jáne olardıń esteligin máńgilestiriw baǵdarındaǵı jumıslardı keńeytiw haqqında”ǵı qararınıń orınlanıwı sheńberinde májilis bolıp ótti.

Onda siyasiy repressiya qurbanlarına baylanıslı arxiv hújjetlerinen paydalanıw, olardıń ómiri hám jumısın úyreniw, jadidler turmısına baylanıslı hújjetlerdi tallaw jáne ilimiy basılımlar tayarlaw baǵdarında ámelge asırılǵan jumıslar dodalandı.
Tallawlar tiykarında bir qatar juwmaqlar hám usınıslar islep shıǵıldı. Qorǵanıw ministrliginiń juwapkerlerine arxiv isi procesi jaqınnan tanıstırıldı.
Májilis juwmaǵında Qorǵanıw ministrligi hám “Ózarxiv” agentligi arasında repressiya qurbanları bolǵan shaxslarǵa baylanıslı ádebiyatlar, arxiv hújjetlerin ilimiy úyreniw, sanlastırıw hám keń jámiyetshilikke jetkeriwde birge islesiwdiń jańa basqıshın belgilew maqsetinde Memorandumǵa qol qoyıldı.
Ilajda atap ótilgenindey, bul birge islesiw tariyxıy haqıyqattı tereń úyreniw hám repressiya qurbanlarınıń esteligin máńgilestiriw jolındaǵı áhmiyetli qádem boldı.

Gulnoza Boboeva, ÓzA