Илим, билимлендириў ҳәм денсаўлықты сақлаў мәселелери комитетинде турақлы түрде  ислейтуғын сенатор Г.Маруфова «Аўызбиршилик. Бирлик. Раўажланыў» сүрени  астында Екатеринбург қаласында (Россия Федерациясында) болып өткен III Халықаралық ҳаял-қызлар  форумында қатнасты.

Усы абырайлы халықаралық илажда 20 дан аслам сырт мәмлекеттен  5 мыңнан аслам ҳаял-қызлар қатнасты.

Форумның  жалпы мәжилисинде сенатор өзиниң шығып сөйлеген сөзинде  мәмлекетимизде ҳәр жылы  басшылық лаўазымларыгда жумыс ислеп атырған ҳаял-қызлардың саны артып атырғанын айрықша атап өтип,  Өзбекстан Республикасының «Ҳаял-қызлар ҳәм ерлер ушын тең ҳуқық ҳәм имканиятлар кепилликлери ҳаққында»ғы Нызамы қабыл  етилгенин ҳәм гендер теңликти тәмийинлеў мәселесине мәмлекетлик сиясаты дәреэесинде қатнас жасаў ҳаққында пикир жүргизди.

Сондай-ақ, Халықаралық ҳаял-қызлар форумы шеңберинде сенатор Свердловск областының депутатлары, ҳүкимет ўәкиллери ҳәм  исбилермен ҳаял-қызлары менен  бир қатар ушырасыўлар өткерди. Оларда еки тәреплеме қатнасықларды беккемлеў, өз-ара тәжирийбе алмасыў, хызметлер тараўында экспорт  потенциалын кеңейтиў мәселелери додаланды, сондай-ақ, биргеликтеги илажларды өткериў бойынша дәсчлепки келисимлерге ерисилди.

Қарақалпақстан хабар агентлиги