Ilim, bilimlendiriw hám densawlıqtı saqlaw máseleleri komitetinde turaqlı túrde isleytuǵın senator G.Marufova «Awızbirshilik. Birlik. Rawajlanıw» súreni astında Ekaterinburg qalasında (Rossiya Federaciyasında) bolıp ótken III Xalıqaralıq hayal-qızlar forumında qatnastı.

Usı abıraylı xalıqaralıq ilajda 20 dan aslam sırt mámleketten 5 mıńnan aslam hayal-qızlar qatnastı.
Forumnıń jalpı májilisinde senator óziniń shıǵıp sóylegen sózinde mámleketimizde hár jılı basshılıq lawazımlarıgda jumıs islep atırǵan hayal-qızlardıń sanı artıp atırǵanın ayrıqsha atap ótip, Ózbekstan Respublikasınıń «Hayal-qızlar hám erler ushın teń huqıq hám imkaniyatlar kepillikleri haqqında»ǵı Nızamı qabıl etilgenin hám gender teńlikti támiyinlew máselesine mámleketlik siyasatı dáreeesinde qatnas jasaw haqqında pikir júrgizdi.
Sonday-aq, Xalıqaralıq hayal-qızlar forumı sheńberinde senator Sverdlovsk oblastınıń deputatları, húkimet wákilleri hám isbilermen hayal-qızları menen bir qatar ushırasıwlar ótkerdi. Olarda eki tárepleme qatnasıqlardı bekkemlew, óz-ara tájiriybe almasıw, xızmetler tarawında eksport potencialın keńeytiw máseleleri dodalandı, sonday-aq, birgeliktegi ilajlardı ótkeriw boyınsha dáschlepki kelisimlerge erisildi.

Qaraqalpaqstan xabar agentligi