Бул ҳаққында “Өзэлтехсанаат” ассоциациясының мәлимлеме хызмети хабар берди. Онда атап өтилиўинше, Қатар пайтахты Доха қаласында қурылыс ҳәм инфраструктура тараўындағы абырайлы халықаралық илаж – “Project Qatar 2025” көргизбеси өз жумысын баслады.

“Project Qatar” көргизбеси ҳәр жылы жүзлеген компанияларды бир жерге жыйнап, қурылыс ҳәм инфраструктура тараўындағы инновацияларды үгит-нәсиятлайтуғын жетекши майдан есапланады.

Бул абырайлы илажда Өзбекстанның “Өзэлтехсанаат” ассоциациясы басшылығындағы электротехника санааты кәрханалары ” Made in Uzbekistan ” бренди астындағы орайласқан стенд арқалы өнимлери ҳәм имканиятларын көрсетпекте.

Көргизбе даўамында миллий стендимиз бенен жақыннан танысқан Қатар ҳүкимети рәсмийлери Өзбекстан өнимлерине жоқары баҳа берди.

Илаж шеңберинде сырт ел компаниялары менен бирге ислесиў ушырасыўлары, саўда сөйлесиўлери ҳәм экспорт шәртнамаларына ерисиў режелестирилмекте.

Көргизбе ертең де өз жумысын даўам еттиреди.

Н.Зиёдуллаева, ӨзА