Bul haqqında “Ózeltexsanaat” associaciyasınıń málimleme xızmeti xabar berdi. Onda atap ótiliwinshe, Qatar paytaxtı Doxa qalasında qurılıs hám infrastruktura tarawındaǵı abıraylı xalıqaralıq ilaj – “Project Qatar 2025” kórgizbesi óz jumısın basladı.

“Project Qatar” kórgizbesi hár jılı júzlegen kompaniyalardı bir jerge jıynap, qurılıs hám infrastruktura tarawındaǵı innovaciyalardı úgit-násiyatlaytuǵın jetekshi maydan esaplanadı.
Bul abıraylı ilajda Ózbekstannıń “Ózeltexsanaat” associaciyası basshılıǵındaǵı elektrotexnika sanaatı kárxanaları ” Made in Uzbekistan ” brendi astındaǵı oraylasqan stend arqalı ónimleri hám imkaniyatların kórsetpekte.
Kórgizbe dawamında milliy stendimiz benen jaqınnan tanısqan Qatar húkimeti rásmiyleri Ózbekstan ónimlerine joqarı baha berdi.
Ilaj sheńberinde sırt el kompaniyaları menen birge islesiw ushırasıwları, sawda sóylesiwleri hám eksport shártnamalarına erisiw rejelestirilmekte.
Kórgizbe erteń de óz jumısın dawam ettiredi.

N.Ziyodullaeva, ÓzA