Елимизде биринши мәрте өткерилип атырған “Жылдың ең жақсы ҳуқық муғаллимлери” таңлаўы өткерилди.

 Таңлаўға республика бойынша 10 мыңға шамалас “Мәмлекет ҳәм ҳуқық тийкарлары” пәни муғаллимлери қатнасты.

Республикалық басқышқа қатнасқан 42 муғаллимнен 3 муғаллим таңлаў жеңимпазы болды. Сондай-ақ, “Ең жақсы шешен” ҳәм “Ең жақсы презентация” номинациялары бойынша 3 алдыңғы муғаллим де анықланды.

Таңлаўда биринши орынды Самарқанд ўәлаяты Жамбай районы 28-мектеп муғаллими Дилобар Одилова ийелеп, диплом ҳәм 30 миллион сум ақшалай сыйлықты қолға киргизди.

Екинши орын ийеси Бухара ўәлаяты Қараўылбазар районы 1-мектептиң муғаллими Меҳринисо Нороваға диплом ҳәм 20 миллион сум, үшинши орынды алған Қарақалпақстан Республикасы Шоманай районындағы 16-мектептиң оқыўшысы Азат Баймуратовқа диплом ҳәм 10 миллион сум ақшалай сыйлық тапсырылды.

Таңлаўдың басқа сыйлы орын ийелери де мүнәсип сыйлықланды.

Норгул АБДУРАИМОВА,

ӨзАның хабаршысы