Elimizde birinshi márte ótkerilip atırǵan “Jıldıń eń jaqsı huqıq muǵallimleri” tańlawı ótkerildi.

Tańlawǵa respublika boyınsha 10 mıńǵa shamalas “Mámleket hám huqıq tiykarları” páni muǵallimleri qatnastı.
Respublikalıq basqıshqa qatnasqan 42 muǵallimnen 3 muǵallim tańlaw jeńimpazı boldı. Sonday-aq, “Eń jaqsı sheshen” hám “Eń jaqsı prezentaciya” nominaciyaları boyınsha 3 aldıńǵı muǵallim de anıqlandı.
Tańlawda birinshi orındı Samarqand wálayatı Jambay rayonı 28-mektep muǵallimi Dilobar Odilova iyelep, diplom hám 30 million sum aqshalay sıylıqtı qolǵa kirgizdi.
Ekinshi orın iyesi Buxara wálayatı Qarawılbazar rayonı 1-mekteptiń muǵallimi Mehriniso Norovaǵa diplom hám 20 million sum, úshinshi orındı alǵan Qaraqalpaqstan Respublikası Shomanay rayonındaǵı 16-mekteptiń oqıwshısı Azat Baymuratovqa diplom hám 10 million sum aqshalay sıylıq tapsırıldı.
Tańlawdıń basqa sıylı orın iyeleri de múnásip sıylıqlandı.

Norgul ABDURAIMOVA,
ÓzAnıń xabarshısı