26-30-август күнлери Самарқанд қаласында «Шарқ тароналари» XIII халықаралық музыка фестивалы болып өтеди.
Самарқанд қаласындағы Жаслар орайында сырт ел ҳәм жергиликли ғалаба хабар қуралларының хызметкерлери ушын «Шарқ тароналари» XIII халықаралық музыка фестивалының баспасөз орайы жумыс баслады.
Бул жерде жергиликли ҳәм сырт ел журналистлериниң жумыс алып барыўы, ҳәр қыйлы илажлардан оператив материаллар таярлаўы ушын зәрүр шараятлар жаратылды.
– Баспасөз орайында 80 компьютер ҳәм принтер орнатылған, олар жоқары тезликтеги интернет тармағына жалғанған,-дейди Мәденият министрлигиниң мәлимлеме хызметиниң жуўапкер хызметкери Орифжан Файзиев. – Сондай-ақ, баспасөз орайы тәрепинен Wi-Fi интернет тармағы силтеме ҳәм болып өтип атырған илажлардан алынған сүўрет ҳәм видео мағлыўматларды өзинде жәмлейтуғын (QR -код) база шөлкемлестирилген.
Ғалаба хабар қуралларының хызметкерлери, журналист ҳәм блогерлер баспасөз орайында Регистон майданында болып өтип атырған барлық илажларды Led -экран арқалы online режиминде бақлаў имканиятына ийе.
З.ЖОНИБЕКОВ, А.ИСРОИЛОВ, ӨзА