26-30-март күнлери Наманган ўәлаятының Наманган қаласында спорттың көркем гимнастика түри бойынша ересеклер арасында Өзбекстан чемпионаты болып өтти.
Мәмлекетимиздиӊ барлық аймақларынан күшли спортшылар қатнасқан бул бириншиликке республикамыз гимнастикашылары да табыслы қатнасып қайтты.
Атап айтқанда, Өзбекстан мәмлекетлик денетәрбиясы ҳәм спорт университети Нөкис филиалының «Спорт түрлери» факультетиниң көркем гимнастика қәнигелигиниң 2-курс студенти Шахзада Ибрагимова ҳәм 1-курс студенти Наргиза Джуманиязовалар 1-орынды ийелеўге миясар болды.
Спортшы қызларымызды бул жарысқа тренерлерден Г.Бабажанова ҳәм Н.Палвановалар таярлады.
Адилбай Оразов,
Қарақалпақстан хабар агентлиги шолыўшысы